Schnapsauto - Banater-Marienfelder-Erinnerungen

Direkt zum Seiteninhalt

Hauptmenü:

Schnapsauto

Geschichten





                                                                  

11.03.12
Es Schnapsauto
Freundlicherweise am 11.03.2012 in der Banater Post veröffentlicht.
Anbei habe ich meine Geschichte an den Marienfelder  Dialekt angepasst.

Desmol fang mer mit em ganz aktuelle Stickl vum Friedhelm Krisch aa. Die Autos solle jo immer wenicher verbrauche un wenicher Dreck zuricklasse. Am beschte, sie fahre nor mit Wasser oder Rapsel oder – in dem Fall – sogar mit Schnaps. Wenichschtens wärd er dann nimmähr getrunke; des wär doch etwas. (Redaktion)

Liewi Landsleit, des wu ich enk do schreib, is ka erfunener Zukunftsrumoo; es is a wahri Gschicht, freilich erscht vum Jahr 2111, also in hunnert Jahr. Ich hab do a guter Kumraad, vun Beruf Inginier mit Doktortitel in Physik un Mathematik. Dr Michl is a gscheidr und gschicktr Schwob, der was ständig was zu werkle und zu baschtle hat. Unlängscht hatr mich angrufe, weilr mr unbedingt was demonschtriere, hat wolle. Ich, gleich hin, weil ich mr schun gedenkt hab, dases etwas Wichtiges sein wärd. In seiner Wärkstatt im Keller, des was jo Hobbyraum haast, do war jo alles voll mit Apparate un Computer. Do hatr mr dann so a Kaschte gezeigt, der wo an alle meglichi Geräte mit Kable verbunne war. No hatr mir des ganze erklärt. Aso, des ist a Zeitmaschin. Wann mr sich do neinsitzt un er schalt a Programm on, kann mr in die Zukunft fahre: Momentan ist die maximale Zeitspann hunnert Jahr. Ich habne ziemlich dumm angschaut, awr er moont, ich kännt am schun vrtraue, weilr jo des schun selwer ausprowiert hat. Weil die Leit sich jo heitzutach do rumstreite weger dr Energie und mit deni Autos, wie und wu und mit was mr fahre soll, war ich schun neigierich, wie des ganzi in hundert Jahr ausschaut und was dann far Treibstoff sein wärd. Also nein in die Zukunftmaschin, der Michl hat des ganze angfahr und los geht‘s. S hat mich jo ziemlich durchgebeitlt, awr zum Glick hats net so lang gedauert; un – was macht mr net alles far die Neigier und die Wissnschaft. Uf omool heert mr e Ansage: „Das Jahr 2111 ist erreicht, bitte aussteigen!" un ich bin aach gleich aus dr Maschin raus.
Hab mich mol zuerscht, do rumgschaut. Des war net so weit vun oner Autobahn. Die Heiser ware ja vun dr Form so ziemlich wie jetzt. Nar ware se alli mit so ooner Pflanz, so wie Weinrewe, eingspunn. Die Autobahn war etwas braater wie heint un stockhoch. Owe sein die kloni Autos gfahr und unne die großi Laschtwage. Dr Verkehr war awr ganz still, mr hat fascht nicks ghert. Die Luft war mit so ama leichte Schnapsgruch vrmischt, so wie in oner Schnapsbude vun heint, awer schlecht hats net groche. Ich hab angfangt zu winke, dass mich jemand mitnehme soll. Noch oner Weil hat mich ach jemand ufghol. Er hat mich schun gross angschaut und mont, ob ich vun ama Trachteball kumm, weger meim Gwand. Jo, des stimmt, sak ich. No frogtr mich, wu ich hinfahre mecht. Weil ich jo net wisse kann, wuhin dr Weg fihrt, sak ich ehm, bis zum nächschte Raschtplatz. Er sakt noch, dass mei Koschtiem recht original wär, un mei Aussprach erinnert ehne an sei Urgroßvater, der wu a Banater Schwob war, un er frookt mich aach, ob ich schon vun dem Gebiet ghert hab. Jo, do kenn ich mich aus; mr ham uns gleich gut verstann. Des Auto war aach ganz annerscht wie heint. S hat schun a Lenkrad ghat, awer des hat mr net drehe brauche. Dr Fahrer hat den Weg programmiert, un des Auto is vun alloon gfahr; mr hat beim Fahre schlofe odr esse kenne un hat sich ka Sarche mache brauche, alles is automatisch gang. Dr jungi Mann monnt noch, mei Dialekt gfallt ehm, er selwr kennt 17 Sproche. Na, des is doch schen. Uf mei Frog, wieso des Auto so still fahre tut, was far Benzin er benutzt? schautr mich ziemlich iwerrascht on und moonnt, mit Benzin wärd schun seit fufzich Jahr nimmär gfahr. Jetz wärd nar mähr mit Alkohol gfahr. Un no moonntr noch, sei Auto geht am beschte mit Weinbrand 90. No moonn ich do druf, haast des vielleicht Konjak? „Naa, Vetter", moonntr druf, „des war mol ganz friher, wie die Leit noch dene Konjak getrunk ham." Ich hab nicks mer gsakt und e paarmol gschluckt. Uf onmool drucktr uf e paar Knepp und sakt, des is far reini Luft, weilne grad sei Freind iwrholt. Dr fahrt mit Pflaumeschnaps, und des vertrakt er net so gut. No oner Weil froo ich ne, weles dr beschte Schnaps for die Motore wär. Do saktr, „der Aprikose 80, Kirsche 60, Pfersching 75, des ist der Treibstoff far die Herreautos. Dr Schnaps vun Ruwe, Trauwe un annerem is nar gut far di Laschtautos un Busse." No sak ich, „do brauch mr jo ziemlich viel Schnaps, un vun wu des ganzi?" Er hat mich jetzt schun misstrauich angschaut. „Noo", sakt er, „seht Ihr net, Vetter, dass schun alles voll Obstbeam ist, un a jeder brennt sich sei Treibstoff noh seim Gschmack", ob ich denn so vergesslich bin? Die neie Spinnpflanz, wo iwerall zu sehe ist, bringts ganze Jahr so viel Trauwe, so dases ka Problem gibt, vun dr Menge". Mit oom war ich awr noch net im Klare: Werd jetzt noch Raki gedrunke odr net? Sowas muss ich ganz vorsichtig frooe. Also sak ich, obs gfährlich is, wann mr so a Treibstoff vrschluckt? Noo, moonntr, ob ich net aa die „Anti-Schnaps-Gen-Impfung" kriekt hätt, des macht doch a jeder, un so is mr doch immun gejer den Schnaps.
Jetzt sein mr beim erschte Parkplatz rausgfahr. Leit, was ich do gsehe hab, des hat mich schun e bisl getreescht. Do stehn se alle, die viele scheene Autos. Do bemerk ich so a Haufe Leit, wu recht laut dischkuriere. Wie ich gnauer hinschau, hat e jeder so a kloner Apparat mit ama dinne Schlauch dran. Do froo ich mei Fahrer, was des is, was die Leit do mache. „Ja, die dischkuriere nar iwer ihre Treibstoff und verkoschte oner dem anre seiner." Jetz hatr mir aa so a klones Stamplglas in die Hand gedrukt, un ich hb aa mei Meinung sae kenne. S war wirklich nix zu stalliere: Dr Aprikoseraki hat mr vun alli Rakisorte am beschte gschmeckt. Awr do war a Problem: Ich war jo net immun gejer den Schnaps un hab vorsichtig sein misse. Ich hag mr nar gedenkt: Die Autos ham‘s gut mit soviel Schnaps!
Jetz hab ich mich awer verdricke misse, weil dr Schnaps jo doch zuviel war. Ich bin zuruck zu meiner Zeitmaschin, hab uf a Knopp, far zruck ins Jahr 2011 gedruckt, un war a gleii widrum bei meim Freind in seim Keller, mit deni viele Apparate. No hatr mich gfroogt: „Wie war’s, was hascht erlebt?" Ich hab ehm gsakt, er soll mich jetzt in Ruh losse, weil ich hab e bissl Koppweh. „Awer ons is sicher, die Leit wärre in hunnert Jahr liewer Auto fahre wie heit. Un die Sarche mit dem Treibstoff hat mr dann sicher los!" Awr die Politiker sellte sich schon jetzt zammesitze bei ama Stambl Schnaps und ernscht iwr die Zukunft nohdenke, un net nar immer streite


PX
Friedhelm Krisch

 
Zurück zum Seiteninhalt | Zurück zum Hauptmenü